Հունաստանում բնապահպանական հարկ է ներդրվում՝ հունվարի 1-ից սուպերմարկետներում մարդիկ յուրաքանչյուր մեկանգամյա օգտագործման պլաստիկ տոպրակների համար ստիպված կլինեն վճարել 4 եվրոցենտ: 2019 թվականի հունվարի 1-ից դրանց համար վճարվող կբարձրանա մինչեւ 9 եվրոցենտ, հաղորդում է «ՌԻԱ Նովոստի»-ն։
Սա պոլիէթիլենային տոպրակների սպառման սահմանափակման միջոցներից մեկն է, որոնք շրջակա միջավայրի աղտոտման հիմնական նյութերից մեկն են: Նոր տարուց սկսած պետությունը կխրախուսի բազմամյա օգտագործման տոպրակների եւ պայուսակների օգտագործումը:
Պլաստիկ պայուսակները, շշերը, բաժակները դարձել են ողջ աշխարհում հիմնական բնապահպանական խնդիրը` տասնամյակների եւ հարյուրամյակների ընթացքում դրանք անթույլատրելի վնաս են հասցրել ծովային էկոհամակարգերին եւ թռչուններին, աղտոտել են ծովերը, ծովափերը եւ անտառները:
Բնապահպանության նախարարությունը հաշվարկել է, որ այժմ Հունաստանում տարեկան 4,5 միլիարդ տոպրակ է օգտագործվում կամ մեկ անձը օգտագործում է տարեկան մոտ 400 կտոր:
2015 թ. Եվրոպական դիրեկտիվների համաձայն, հունական իշխանությունները նպատակ են դրել նվազեցնել տոպրակների օգտագործումը մինչեւ 2020 թվականը մինչեւ 90 մարդ(75 տոկոս) եւ մինչեւ 2025 թ. 40-ը (90 տոկոս):
Տոպրակների ավելցուկային սպառման նվազեցման համար իշխանությունները որոշել են հարկ սահմանել դրանց համար: Այն կգործի 2018 թվականի հունվարի 1-ից սկսած յուրաքանչյուր տոպրակի համար 3 եվրոցենտ, սակայն հետո որոշվել է ավելացնել 24 տոկոս ԱԱՀ-ը եւ գինը բարձրացել է4 եվրոցենտ: Մեկ տարի անց գնորդները ստիպված կլինեն վճարել 9 եվրոցենտ:
Բացառություն կկազմեն միայն 15 մկմ-ից պակաս տոպրակները, որոնք անհրաժեշտ են հիգիենիայի նպատակներով կամ սննդի փաթեթավորման: Ազատվում է վճարներից նաեւ կրպակները եւ շուկաները, բանջարեղենային խանութները, որտեղ տոպրակը համարվում է փաթեթավորում, այլ ոչ թե ապրանքները տեղափոխելու միջոց:
Որպես այլընտրանք սուպերմարկետներին առաջարկվում են այլընտրանքային տարբերակների ազատ տարածում` բազմամյա օգտագործման, բիոլոգիական կամ թղթե տոպրակներ։