Փարիզում 70 տարեկանում կյանքից հեռացել է ֆրանսիացի երգչուհի Ֆրանս Գալը: Այս մասին հաղորդում է AFP-ն՝ վկայակոչելով երգչուհու գործակալին: Երգչուհին հիվանդ էր քաղցկեղով:
Ֆրանս Գալը (իսկական անունը՝ Իզաբել Գալ) ծնվել է 1947 թվականի հոկտեմբերի 9-ին Փարիզում, երաժիշտների ընտանիքում: Երգչուհու պապը՝ Պոլ Բերտյեն, La manécanterie des Petits Chanteurs à la Croix de Bois տղաների երգչախմբի հիմնադիրներից էր, 0հայրը՝ Ռոբերտ Գալը, երգիչ եւ կոմպոզիտոր: Նա երգեր է գրել ֆրանսիացի մի շարք աստղերի համար, այդ թվում՝ Էդիթ Պիաֆի եւ Շառլ Ազնավուրի, հաղորդում է RFI-ին:
1963-ից ի վեր երգչուհին մի քանի հիթ է թողարկել, 1965-ին հաղթել է «Եվրատեսիլ» երգի մրցույթում՝ կատարելով Սերժ Գենսբուրի Poupée de cire, poupée de son երգը:
