Ֆոտոսարքավորումների ամերիկյան արտադրող Kodak-ը մտադիր է սեփական կրիպտոարժույթը ստեղծել, հաղորդում է Bloomberg-ը։
Bloomberg-ի տվյալներով՝ ընկերությունը այս ամսվա վերջերին կթողարկի սեփական KodakOne անվանումն կրող բլոկչեյն հարթակը։ Այն կծառայի առաջին հերթին պրոֆեսիոնալ լուսանկարիչներին եւ կդառնա լուսանկարային աշխտանքների սեփականության իրավունքների յուրահատուկ ռեեստր։
KodakOne-ի օգտատերերը կկարողանան այն օգտագործել իրենց լուսանկարները գրանցելու, ինչպես նաեւ դրանց համար լիցենզիաներ վաճառելու համար: Վճարումը կկատարվի նոր ստեղծվող կրիպտոարժույթվ, որը կստանա Kodakcoin անվանումը։
Bloomberg-ը նշում է, որ կրիպտոարժույթի եւ բլոկչեյն հարթակի ստեղծման լուրերից հետո Նյու Յորքի ֆոնդային բորսայում Kodak-ի բաժնետոմսերի արժեքն աճել է ավելի քան 120 տոկոսով՝ հունվարի 9-ին ապրանքի դիմաց հասնելով 6,9 դոլարի։
2012 թվականին Kodak-ը հայտարարել էր սնանկության մասին, սակայն իր արտոնագրերի իրավունքի մեծ մասը վաճառվելով այլ կորպորացիաների, այդ թվում՝ Apple-ին եւ Microsoft-ին, չէր լուծարվել: Ներկայումս Kodak-ը կենտրոնացրել է իր գործունեությունը թվային տպագրական ծառայությունների եւ լուսանկարչական նյութերի արտոնագրերի վաճառքի վրա: Ընկերության շտաբ կայանը, որը հիմնադրվել է 1888 թվականին, գտնվում է ամերիկյան Ռոչեստերում քաղաքում (Նյու Յորքի նահանգ):
Կրիպտոարժույթը հանդիսանում է թվային արժույթի տարատեսակ, որը ստեղծվում է կրիպտոգրաֆիկայի մեթոդներով։ Այս համակարգը գործում է բլոկչեյն տեխնոլոգիաների հիման վրա («բլոկների շղթա), որը լինելով ապակենտրոնացված տվյալների բազա՝ տվյալները չի պահպանում ընդհանուր համակարգում։ Այդպիսի արժույթ կարող է թողարկել համակարգի ցանկացած օգտատեր՝ ստեղծելով նրանում նոր թվային բլոկներ: Կրիպտորաժույթի ամենատարածված տեսակը բիթքոինն է, որի հանրաճանաչության անընդհատ աճը տեղի ունեցավ վերջին տարիներին։