Ամերիկացի միլիարդատեր Ուորեն Բաֆետը կարծում է, որ բիթքոինի շուրջ ստեղծված աղմուկը «վատ ավարտ կունենա»:
Berkshire Hathaway-ի նախագահ եւ գլխավոր գործադիր տնօրենը միացել է կրիպտոարտարժույթի քննադատներին: «Խոսելով կրիպտոարժույթների մասին, վստահաբար կարող եմ ասել, որ դա կհանգեցնի վատ ավարտի», - ասել է Բաֆետը:
Հունվարի 10-ին բիթքոինի փոխարժեքը կազմել է 14 425 դոլար: Թեեւ կրիպտոարժույթի փոխարժեքը, որը դեկտեմբերի կեսին գագաթնակետին էր հասել եւ կազմել 20 000 դոլար, նվազեց, այնուամենայնիվ, այն բարձր է 2017-ի հունվարին գրանցված 900 դոլար փոխարժեքից: