Նյու Յորքի իշխանությունները մեղադրում են աշխարհի խոշորագույն նավթային ընկերություններին կլիմայի փոփոխությունների խրախուսման համար եւ մտադիր են նրանցից միլիարդավոր դոլարներ բռնագանձել, հաղորդում է The New York Times-ը:
ԱՄՆ խոշորագույն քաղաքը Հարավային Նյու Յորքի (Մանհեթենի) շրջանային դատարանում հայց է ներկայացրել ընդդեմ BP Plc-ի, Chevron Corp- ի, ConocoPhillips- ի, Exxon Mobil Corp- ի եւ Royal Dutch Shell Plc-ի, «Նյու Յորքի բնակչներին կլիմայի փոփոխության հետեւանքներից պաշտպանելու համար», ասել է քաղաքապետ Բիլ դե Բլազիոն:
Նյու Յորքի դատական հայցում նշվում է, որ պատասխանողները «հանածո վառելիքի արդյունահանման եւ վաճառքի արդյունքում հավաքական պատասխանատվություն են կրում արդյունաբերական բոլոր աղբյուրներից ավելի քան 11 տոկոս աղտոտվածության համար, որը արդյունաբերական հեղափոխության առաջին օրերից մթնոլորտում կուտակվել է»:
