Այս տարվա առաջին օրերին էլեկտրաէներգիայի սպառումը մոտ 10 տոկոսով նվազել է նախորդ տարվա համեմատ, արտադրությունն աճել է 20 տոկոսով, քանի որ արտահանումն է աճել մոտ 100 տոկոսով: Այս մասին, այսօր՝ հունվարի 16-ին, ԱԺ-ում հիշյալ օրինագծի քննարկման ժամանակ նշել է նախագիծը ներկայացնող Էներգետիկ ենթակառուցվածքների եւ բնական պաշարների փոխնախարար Հայկ Հարությունյանը:
«Այսինքն մենք կարող ենք մեր արտադրական հզորություններն ավելի արդյունավետ օգտագործել, եթե ունենանք լավ աշխատող շուկա եւ հարեւան երկրների հետ լավ առեւտրային հարաբերություններ»,-ասաց նա:
