Խորհրդարանական դիվանագիտությունն ունի մի շարք առավելություններ, քանի որ այն ավելի ճկուն է, ազատ, բազմակողմ եւ, միեւնույն ժամանակ, ավելի շատ ռեսուրսներ ունի հասարակության ներգրավման համար: Այս մասին հունվարի 16-ին ԱԺ-ում հայտարարեց արտաքին հարաբերությունների մշտական հանձնաժողովի նախագահ, իշխող հանրապետական կուսակցության փոխնախագահ Արմեն Աշոտյանը:
Սակայն, նրա խոսքոով՝ այս տարի շատ գործ կա անելու: «Իհարկե, ավանդական խորհրդարանական գործունեությունը, մասնավորապես, պատվիրակությունների միջեւ կապերը պետք է շարունակվեն նաեւ ապագայում»,-ասաց Աշոտյանը` հավելելով, որ որոշ ուղղություններով, ինչպես օրինակ՝ բարեկամական խմբերի ներուժի առավել արդյունավետ օգտագործման համար անհրաժեշտ է ավելի շատ ջանքեր ներդնել:
Բացի դրանից, մշտական հանձնաժողովի նախագահի խոսքով՝ պատգամավորները պետք է ավելի շատ ջանքեր գործադրեն Եվրամիության երկրների կողմից Հայաստան-ԵՄ համապարփակ եւ ընդլայնված գործընկերության համաձայնագրի շուտափույթ վավերացման համար։