ESET հակավիրուսային ծրագրի մասնագետը նախազգուշացրել է Apple սարքերին ուղղված նոր ֆիշինգային հարձակման մասին, հայտնել է ընկերության մամուլի ծառայությունը:
Նշվում է, որ անձնական տվյալների գողության համար հանցագործները «կրկնակի» տարածում են օգտագործում: Չարագործների առաջին նամակից օգտատերը տեղեկանում է App Store-ում գոյություն չունեցող հավելվածի վաճառքի մասին: Հաղորդագրության մեջ նշվում են պատվերի մանրամասները, այդ թվում գործարքի արժեքը:
Կեղծիքի մասին վկայում է ուղարկողի հասցեն, որը կապ չունի Apple-ի հետ, հաղորդում է ESET-ը:
Ըստ ESET-ի՝ այս ֆիշինգային արշավի առանձնահատկությունն այն է, որ հետագայում այդ կայքին հղումով եւս մեկ հաղորդագրություն է ստացվում: Երկրորդ նամակը (Apple-ի տեխնիկական օգնության ծառայության անունից) զգուշացնում է, որ անձնական տվյալների մասին տեղեկատվության մի մասը հաստատված չէ եւ Apple-ի ծառայություններից հետագայում օգտվելու հնարավորության համար առաջարկվում է ֆիշինգային կայքում հաստատել տվյալները:
«ESET-ն առաջարկում է չանհատականացված հաղորդագրություններն անտեսել, չանցնել դրանցում նշված հղումներով, ինչպես նաեւ պաշտպանել համակարգիչը հակավիրուսային ծրագրերով», — նշվում է հաղորդագրության մեջ, հաղորդում է «ՌԻԱ Նովոստին»:
