News
Լրահոս
News
Չորեքշաբթի
Փետրվար 28
Տեսնել լրահոսը

«Ոստիկանության մասին» ՀՀ օրենքում փոփոխությունների նախագծում ուղիղ գրած է եւ առնվազն տեսականորեն չի բացառվում, որ այս օրենքով ՀՀ յուրաքանչյուր քաղաքական գործչի, ակտիվիստի դիմացի հարեւանի հետ ոստիկանությունը պայմանագիր կնքի եւ ամբողջ տունը գրասենյակը վերցնի տեսանկարահանման տակ: Այս մասին, այսօր՝ հունվարի 16-ին, ԱԺ-ում, հիշյալ օրենքի նախագծի քննարկման ժամանակ նշեց «Ելք» խմբակցության պատգամավոր Նիկոլ Փաշինյանը:

Նա դիմելով օրինագիծը ներկայացնող ՀՀ փոխոստիկանապետ Վարդան Եղիազարյանին հարցրեց. «Այս օրենքի ո՞ր կետն է բացառում, որ նման գործողություններ չեն լինելու»:

Ի պատասխան Վարդան Եղիազարյանն ասաց. «Ես չեմ կարծում, որ նման նկատառում եղել է կամ կլինի: Մենք ունենք հնարավորություն օպերատիվ ճանապարհով նկարահանում կատարելու: Ի՞նչ է նշանակում ամեն հարեւանի կամ խանութի դիմաց դնել նման սարքեր: Բացի դրանից, նախագծում կա մասնավոր սեկտորի հետ աշխատելու սկզբունքը՝ միայն պայմանագրով եւ իրենց համաձայնությամբ»:

Նիկոլ Փաշինյանն էլ նկատեց, որ հիմա արդեն մամուլում եղել են հրապարակումներ, թե այս կամ այն քաղաքական գործչի շքամուտքի մոտ ոստիկանությունը տեսախցիկ է տեղադրել եւ պարզվել է, որ դա իբր ինչ-որ ուրիշ քրգործի նախաքննության հետ է կապված. «Հիմա արդեն կան նման ահազանգեր, անգամ նշվել է, որ կոնսպիրատիվ բնակավայր են վարձել տեսանկարահանում իրականացնելու համար: Այսինքն սրանով ՀՀ ցանկացած քառակուսի մետրը կարող է դրվել տեսանկարահանման տակ: Նյութերի պահպանման 7 օր ժամկետն էլ սահմանել են, որ, իբր, դրանից հետ այդ նյութերը ոչնացնեն, բայց հետո այդ նյութերն օգտագործեն որպես կոմպրոմատ»:

Ավելի վաղ NEWS.am-ը հայտնել էր, որ ըստ ՀՀ փոխոստիկանապետ Վարդան Եղիազարյանի, «Ոստիկանության մասին» ՀՀ օրենքում փոփոխությունների վերաբերյալ օրենքի նախագիծը նախատեսում է հանցագործությունը կանխելիս կամ բացահայտելիս հասարակական կարգի պահպանությունը, այդ թվում ճանապարհային երթեւեկության անվտանգության ապահովելիս, ոստիկանության ծառայողներին իրավունք վերապահել օգտագործել տեսաձայնագրող կամ լուսանկարահանող տեխնիկական միջոցներ: Ըստ այդմ, օրենքի մակարդակով կամրագրվեն տեխնիկական միջոցների ամրագրման հիմքերը, կարգը, տվյալների պահպանման ժամկետները, կապահովվի տեղեկությունների հավաքման եւ օգտագործման նպատակի լեգիտիմությունը. այսինքն կհաստակեցվեն մասնավոր կյանքի ոլորտ ոստիկանական միջամտության սահմանները: «Հաշվի առնելով տվյալների մշակման համաչափության սկզբունքը, նախագծում տվյալների պահպանման ժամկետ է ընտրվել 7 օրը, որից հետո դրանք պետք է ոչնչացվեն»,-նշել էր նա:

Նոր օրինագիծ. հաստակեցվում են մասնավոր կյանքի ոլորտ ոստիկանական միջամտության սահմանները

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկ օրում բացահայտվել է հանցագործության 130 դեպք. Գրանցվել է 6 ավտովթար. վիրավորվել է 13 մարդ
Ըստ ոստիկանության օպերատիվ հաղորդագրությունների ամփոփագրերի…
Իսպանիայում գտել են 470 հազար կիլոգրամ հաշիշ թրեյլերում, որը նախատեսված էր կենդանիների փոխադրման համար
Իսպանիայում ոստիկանությունը  առգրավել է 470 կիլոգրամ հաշիշ...
Քասախում կատարված սպանությունը բացահայտվել է, հետախուզվող հայրն ու որդիները հայտնաբերվել են
Իրացնելով ԱԱԾ Նաիրիի բաժանմունքի և ոստիկանության Նաիրիի բաժնի…
Երևանում «BMW X5»-ը վրաերթի է ենթարկել 59-ամյա կնոջը․ վարորդը փախուստի չի դիմել, օգնել է վիրավորին
Վարորդը ենթարկվել է սթափության փորձաքննության, եղել է սթափ…
Կոտայքում 22 տոննա մայոնեզով բարձված բեռնատարը բախվել է արգելապատնեշին ու շրջվել. վիրավոր վարորդը եղել է խմած
Կայքի տեղեկություններով՝ ավտոմեքենան պատկանում է «Արտ Տրանս» ՍՊԸ-ի հաշվեկշռում...
Երևանի Կենտրոն և Նորք-Մարաշ վարչական շրջաններում 2023-ին 2022-ի համեմատ գրանցվել է 13 տոկոսով ավելի քիչ հանցագործություն
Ամփոփվել են Երևանի Կենտրոն և Նորք-Մարաշ վարչական շրջանների դատախազության 2023 թվականի աշխատանքները...
Ամենաշատ