Վառելիքի թանկացումների եւ միասնական երթուղային ցանց ստեղծելու հայտարարության ֆոնին NEWS.am-ը հարցում է իրականացրել տրանսպորտի վիճակի եւ այն մասին, թե ինչպես կազդեն ուղեվարձերի հնարավոր թանկացումներն ուղեւորների եւ վարորդների վրա։
«Թանկացումներն ազդում են ժողովրդի վրա, նրանք, որոնք եկամուտ էին ստանում, նախկինի պես շարունակում են ստանալ»,-նշեց վարորդներից մեկը։
Մեկ այլ վարորդ էլ հավելեց՝ «ո՛չ կարողանում ենք վառելիք գնել, ո՛չ պլան տալ»։
Ուղեւորներից մեկն էլ նկատեց՝ թանկացումները շատ վատ են անդրադարձել ժողովրդի վրա։ «Ամեն մեկն իր համար անկախություն է ստեղծել, անտերություն է, գծատերն էլ ուզում է ինքն աշխատի»,-մտահոգություն հայտնեց նա։
Մեկ այլ ուղեւոր էլ բողոքեց տրանսպորտի վիճակից եւ «Գազել»-ներից՝ նշելով, որ դրանք շատ անհարմար են՝ գազելներում «իրար վրա խցկված ենք» երթեւեկում։
Որոշ քաղաքացիներ էլ նշեցին, որ միջմարզային երթուղայինները մեկնում են նշված ժամից շուտ կամ ուշ, ավելին՝ դրանցով նախատեսվածից շատ ուղեւորներ են երթեւեկում, ընդ որում՝ կանգնած, ինչը լրացուցիչ անհարամարություններ է ստեղծում։
