Կորեայի Հանրապետության նախկին նախագահ Լի Մյոն Բաքը երկրի գործող վարչակարգին մեղադրել է իր քաղաքական հետապնդման մեջ: Նման հայտարարություն նախկին ղեկավարն արել է Սեուլում իր տանը հանպատրաստից կազմակերպված մամուլի ասուլիսի ժամանակ այն բանից հետո, երբ կոռուպցիայի գործով կանչվել էր դատախազություն հարցաքննության համար՝ դեռևս որպես վկա, հաղորդում է ՏԱՍՍ-ը:
«Հետաքննության փաստը նա անվանել է «քաղաքական վրեժ», հաղորդում է Chosun Ilbo-ն։ Լի Մյոն Բաքը, որը 2008-2012 թվականներին զբաղեցրել է երկրի բարձրագույն պաշտոնը, հատուկ ծառայությունների կողմից 375 հազար դոլար նախկին նախագահի վարչակազմ փոխանցելու գործով մեղադրյալների թվում է։ Խոսքը Ազգային հետախուզական ծառայության չհաշվառված ծախսերի մասին է։
Այս գործով երեքշաբթի ձերբակալվել է պլանավորման հարցով նախագահի նախկին խորհրդական Կիմ Բեք Չունը, որը դատախազության կասկածներով այդ գումարը փոխանցել է իր ղեկավարին։
