Մոսկվան մտադիր չէ Միջուկային զենքի արգելման մասին պայմանագրին (ՄԶԱՊ) միանալ: Այս մասին ՄԱԿ Անվտանգության խորհրդի նիստում, որը նվիրված էր զանգվածային ոչնչացման զենքի տարածման կանխմանը, ասել է Լավրովը հաղորդում է ՏԱՍՍ-ը:
«Ռուսաստանը մտադիր չէ Միջուկային զենքի արգելման մասին պայմանագրին միանալ, - ասել է նա: - Միջուկային զենքի ամբողջական ոչնչացումը հնարավոր է միայն ընդհանուր եւ ամբողջական զինաթափման պայմաններում եւ բոլորի համար հավասար անվտանգության ապահովման դեպքում, այդ թվում միջուկային զենք ունեցողների, ինչպես նախատեսում է Միջուկային զենքի արգելման մասին պայմանագիրը»:
Նա ընդգծել է, որ պայմանագրում հաշվի չեն առնվում բոլոր գործոնները, որոնք ազդում են ռազմավարական կայունության վրա:
«Այն նաեւ միջազգային համայնքի անդամների միջեւ խորը տարաձայնություններ է առաջացնում եւ կարող է տարածման կանխման ռեժիմի վրա ապակայունացնող ազդեցություն ունենալ», - հավելել է նա:
«Ուզում եմ շեշտել. մենք կիսում են առանց միջուկային զենքի աշխարհի կառուցման խնդիրը, բայց այդ նպատակին հասնելու համար պետք չէ նման միակողմանի մեթոդներ կիրառել, որոնց վրա հիմնվում է Միջուկային զենքի արգելման մասին պայմանագիրը», - ասել է Լավրովը:
Նախարարը նշել է, որ Իրանի հետ միջուկային գործարքի ձախողումը մտահոգիչ ազդանշան կդառնա միջազգային անվտանգության համար, այդ թվում ԿԺԴՀ շուրջ կարգավորման համար:
