Միացյալ Նահանգների նախագահ Դոնալդ Թրամփը ԱՄՆ պաշտպանության նախարար Ջեյմս Մաթիսի եւ նրա տեղակալ Պատրիկ Շենահանի հետ քննարկել է կառավարության աշխատանքի հնարավոր դադարեցումը: «ՌԻԱ Նովոստին» հաղորդում է, որ այս մասին ասվում է Սպիտակ տան հայտարարության մեջ:
«Նախագահը նշել է, որ ինքը կշարունակի համոզել Կոնգրեսին պաշտպանական բյուջե ընդունել, որը կվերականգնի ԱՄՆ զինված ուժերին, պատրաստվածությունը՝ ավելացնելով մեր զինված ուժերի քանակությունը եւ կարդիականացնի մեր հնարավորությունները», - նշվում է հաղորդագրության մեջ:
Նախագահը ընդգծել է նաեւ Կոնգրեսի դերը կառավարության աշխատանքի հնարավոր դադարեցմանը եւ անհրաժեշտությունը, որ Կոնգրեսի անդամները արագ անցնեն բյուջեի հաստատմանը, որպեսզի «մեր երկիրն ամբողությամբ պաշտպանված լինի»:
Ավելի վաղ Սպիտակ տան բյուջեի հարցով տնօրեն Միք Մալվեյնը հայտարարել էր, որ Սպիտակ տունը բյուջեի բացակայության պայմաններում պատրաստվում է դաշնային կառավարության «փակման» հեռանկարին: Դրա հնարավորությունը 50/50 է, ասել էր Մալվեյնին:
Ներկայացուցիչների պալատը հունվարի 18-ին ընդունել էր մեկ ամիս ժամկետով հերթական ժամանակավոր բյուջեն, սակայն Սենատում օրենքն ընդունելու հեռանկարները դեռեւս պարզ չեն:
