Ֆրանսիայի նախագահ Էմանուել Մակրոնը Գերմանիայի կանցլեր Անգելա Մերկելին ֆիլհարմոնիա է հրավիրել: Երկրների ղեկավարները կլսեն կոմպոզիտոր Կլոդ Դեբյուսիի ստեղծագործությունները՝ Դանիել Բարենբոյմի կատարմամբ, հաղորդում է «ՌԻԱ Նովոստին»:
«Մեր հանդիպումից հետո կուղեւորվենք մաեստրո Բարենբոյմի համերգին, որը Դեբյուսիի հարյուր ամյակի կապակցությամբ բացում է բացում է նրան նվիրված համերգաշրջանը», — ասել է Մակրոնը:
Մերկելն, իր հերթին, ասել է, որ համերգի համատեղ այցը «շատ խորհրդանշական է»:
«Դանիել Բարենբոյմը երկար տարիներ Փարիզում է անցկացրել, եւ այսօր նա Բեռլինում է աշխատում: Նա աշխարհի քաղաքացի է», - ասել է Կանցլերը:
Նախքան համերգին գնալը, նախագահը եւ կանցլերը բանակցություններ կանցկացնեն, որի ընթացքում հիմնական թեման կլինի Եվրոպայի ապագան:
