Լոնդոնի ոստիկանությունը թռիչքից մի քանի րոպե առաջ ձերբակալել է ալկոհոլի ազդեցության տակ գտնվող British Airways ավիաընկերության օդաչուին, հաղորդում է Daily Mail թերթը:
Պարբերականի տվյալներով՝ միջադեպը տեղի է ունեցել Լոնդոնի Գեթվիք օդանավակայանից Մավրիկիոս ուղեւորվող 2063-րդ ռեյսի ժամանակ։
Ուղեւորներն օդաչուի վրայից զգացել են ալկոհոլի հոտ եւ ոստիկանություն են կանչել: Տղամարդը ձերբակալվել է:
Հունվարի 18-ին ժամը 20.20-ի սահմաններում մոտ 300 ուղեւոր տեղափոխող ինքնաթիռը պետք է օդ բարձրանար, սակայն թռիչքը հետաձգվել է 22.56-ին: 11 ժամ անց նրանք հաջողությամբ վայրէջք են կատարել հունվարի 19-ին, ժամը 14.07-ին: