News
Լրահոս
News
Շաբաթ
Նոյեմբեր 17
Տեսնել լրահոսը


Շաբաթ Թուրքիայի Գլխավոր շտաբը հայտարարել է Սիրիայի Աֆրինում քրդերի զինված կազմավորումների դեմ «Ձիթենու ճյուղ» գործողության սկիզբի մասին: Գլխավոր շտաբի տվյալներով՝ դրան մասնակցել է 72 ինքնաթիռ, 113 թիրախներից ոչնչացվել են 108-ը:

Թուրքիայի Զինված ուժերի գլխավոր շտաբի պետ Հուլուսի Աքարը նախքան Սիրիայի Աֆրինում գործողություն սկսելը հեռախոսազրույցներ է ունեցել Զինված ուժերի գլխավոր շտաբի պետ Վալերի Գերասիմովի եւ ԱՄՆ զինված ուժերի շտաբերի պետերի հանձնաժողովի ղեկավար Ջոզեֆ Դանֆորդի հետ:

Ավիահարվածները հասցվել են քրդերի կողմից վերահսկվող տարածքներում Թուրքիայի դաշնակիցների առաջխաղացման անհաջող փորձերից հետո:

Թուրքիան սիրիական Աֆրինում ցամաքային ուժեր կմտցնի

Սիրիական Աֆրինում թուրքական զինված ուժերի ցամաքային գործողությունը կարող է կիրակի սկսվել: Այս մասին հայտարարել է Թուրքիայի վարչապետ Բինալի Յըլդըրըմը:

«Մեր ավիացիան հարվածել է թիրախների մեծ մասին: Կախված հանգամանքներից՝ մեր ցամաքային զորքերը կկատարեն անհրաժեշտ աշխատանքը: Նրանք հանդես կգան Ազատ (ընդդիմադիր) սիրիական բանակի հետ միասին», - ասել է Յըլդըրըմը:

Ռուսաստանը մեղադրել է ԱՄՆ-ին եւ Աֆրինից դուրս է բերել զորքերը

ՌԴ ՊՆ-ն կարծում է, որ Պենտագոնի կողմից ժամանակակից զենքի, այդ թվում` ՇԶՀՀ մատակարարումը ամերիկամետ ուժերին հանգեցրել են Թուրքիայի կողմից Սիրիայի հյուսիսում գործողության անցկացմանը:

 «Սիրիայի հյուսիսում ԱՄՆ-ին ենթարկվող կազմավորումներին Պենտագոնի կողմից ժամանակակից ամերիկյան սպառազինությունների անվերահսկելի մատակարարումների պատճառով, այդ թվում ՇԶՀՀ-ի, նպաստել են տարածաշրջանում լարվածության արագ էսկալացիային եւ հանգեցրել են թուրրքական զորքերի կողմից հատուկ գործողության անցկացմանը: Սիրիայում ամերիկյան կողմի նման անպատասխանատու գործողությունները հանգեցնում  են խաղաղ կարգավորման գործընթացի փլուզմանը եւ խոչընդոտում են Ժնեւի ձեւաչափով միջսիրիական բանակցություններին, որոնց լիրաժեք մասնակիցը պետք է լինեն նաեւ քրդերը», — ընդգծել են ՌԴ ՊՆ-ում:

ՊՆ-ն նաեւ նշել է, որ «հնարավոր սադրանքների կանխման, Ռուսաստանի զինծառայողների  կյանքի եւ առողջության սպառնալիքի բացառման համար», Պատերազմող կողմերի հաշտեցման կենտրոնի եւ ռազմական ոստիկանության օպերատիվ խումբը Աֆրինից տեղափոխվել է Թել Աջարի շրջան:

Սենատոր Ֆրանց Կլինցեւիչը հայտարարել է, որ միջազգային համաձայնագրերը չեն նախատեսում իրենց երկրի ներգրավումը Աֆրինի հակամարտության մեջ: Նրա խոսքով՝ Ռուսաստանը Սիրիային դիվանագիտական աջակցություն կցուցաբերի, ՄԱԿ-ում կաջակցի գործողությունը դադարեցնելու Թուրքիային ներկայացվող պահանջին:

Քրդերը խոստացել են հակահարված տալ թուրքական բանակին. Թուրքիան ցանկանում է փրկել ԻՊ-ի մնացորդներին

Իր հերթին, «Ժողովրդավարական Սիրիայի ուժերը» (ԺՍՈՒ) քրդական կոալիցիայի հրամանատարությունը խոստացել է հակահարված տալ թուրքական բանակին:

ԺՍՈՒ հրամանատարությունը դատապարտել է «Աֆրինի սահմանային շրջանում Թուրքիայի կողմից սանձազերծված պատերազմը» եւ խոստացել «ճնշել ագրեսորներին եւ պաշտպանել ահաբեկիչներից ազատագրված հողերը»:

 «Թուրքիայի ներխուժումը նպատակ է հետապնդում փրկել «Իսլամական պետություն» խմբավորման մնացորդներին, նշվում է փաստաթղթում:

ԺՍՈՒ-ի հրամանատարությունը հերքել է Անկարայի այն պնդումները, թե կոալիցիայի մեջ մտնող արաբա-քրդական ջոկատները իբր թե գնդակոծել են Թուրքիայի տարածքը, ինչը ծառայել է որպես «ագրեսիայի պատրվակ»:

Դամասկոսը Թուրքիային մեղադրել է Սիրիայի ինքնիշխանության ոտնձգության մեջ

Սիրիայի կառավարությունը խստորեն դատապարտում է Թուրքիայի հարձակումը Աֆրին քաղաքի վրա, որը Սիրիայի անբաժանելի մասն է, ասվում է Սիրիայի Արաբական Հանրապետության արտաքին գործերի նախարարության հայտարարության մեջ:

«Սիրիայի Արաբական Հանրապետությունը խստորեն դատապարտում է Թուրքիայի ագրեսիան Աֆրին քաղաքի դեմ, որը հանդիսանում է Սիրիայի տարածքի անբաժանելի մասը», - մեջբերում է ՍԱՆԱ ազգային գործակալությունը:

ԱԳՆ-ն հայտարարել է, որ Թուրքիայի գործողությունները Սիրիայի ինքնիշխանության ոտնձգության հերթական քայլն են:

ԱՄՆ-ն Թուրքիային եւ սիրիացի քրդերին բռնությունից խուսափելու կոչ է արել

ԱՄՆ-ը ընդունում է Թուրքիայի մտավախությունները սիրիական սահմանի վրա ստեղծված իրավիճակի վերաբերյալ, սակայն կոչ է անում ձեռնպահ մնալ բռնությունից եւ կենտրոնանալ «Իսլամական պետություն» ահաբեկչական կազմակերպության դեմ պայքարի վրա: Այս մասին հայտարարել է Պենտագոնի ներկայացուցիչ, մայոր Էդրիան Ռենկայն-Գալլոուեյը:

 Ավելի վաղ Պետդեպարտամենտի մամուլի ծառայության ղեկավար Հեզեր Նաուերթը հայտարարել էր, որ Թուրքիան պետք է ձեռնպահ մնա Սիրիայի Աֆրին շրջանում ռազմական գործողություն իրականացնելուց:

«Մենք կոչ ենք անում Թուրքիային այդպիսի բնույթի որեւէ քայլ չձեռնարկել», - ասել էր նա:

 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
UNICEF․ Եմենի իշխանությունները խոչընդոտում են հումանիտար օգնության առաքումը
Կապելերեն նշել է, որ նման արգելքներն ու խոչընդոտները կարող են ավելի խորացնել երկրում զանգվածային սովը․․․
Իրանը, Թուրքիան եւ Ադրբեջանը Մերձավոր Արեւելքում իրադարձությունների վերաբերյալ նման դիրքորոշումներ ունեն. Զարիֆ
Եվ մտադիր են համատեղ համագործակցությունն ամրապնդել…
Պոմպեոն կոչ է արել Եմենում պատերազմն ավարտել
ՄԱԿ հովանու ներքո անցկացվող քաղաքացիական պատերազմն ավարտելու հարցի շուրջ բանակցությունները պետք է սկսվեն արդեն նոյեմբերին…
Եգիպտոսում արտակարգ դրության ռեժիմը 3 ամսով երկարացվել է
Եգիպտոսի նախագահը հրաման է ստորագրել երկրում գործող արտակարգ դրության ռեժիմը 3 ամսով երկարացնելու մասին…
Եմենում սաուդցիների օդային հարվածի հետեւանքով առնվազն 17 մարդ է զոհվել
17 զոհից բացի, Գաբալ Ռաս շրջանում վիրավորվել է 20 մարդ…
ԻՀՊԿ–ն կարող է Մերձավոր Արեւելքի պաշտպանության համար ոտքի կանգնել 12 րոպեից պակաս ժամանակահատվածում. Ջաֆարի
Իր կողմնակիցներին ուղղված ուղերձում Թրամփը հայտարարել էր, որ Իրանը նախատեսում է վերահսկողության տակ առնել մերձավոր Արեւելքն ընդամենը 12 րոպեի ըմթացքում...
Partner news