Մեքսիկայի Դաշնային ոստիկանության հետախուզական վարչության աշխատակիցները ծանրոց են հայտնաբերել, որում 1,96 հազար բեկորային նռնակ է եղել: Այն ուղարկվել էր Տամաուլիպաս նահանգից երկրի մայրաքաղաք: Այս մասին հայտնում է El Universal պարբերականը:
Ստվարաթղթե 40 տուփերում տեղադրված ռազմամթերքը հաջողվել է հայտնաբերել Մեխիկոյի ծանրոցների տեսակավորման կենտրոնում շների օգնությամբ: Իշխանությունների ենթադրությամբ՝ մահաբեր բեռը նախատեսված էր հանցավոր խմբավորումների համար, որոնք գործում են մայրաքաղաքում եւ արվարձաններում, իսկ այն կարող էին ուղարկել «Գոլֆո» կարտելի անդամները: