Ամերիկյան WGN հեռուստաալիքի թղթակից Անա Բելավալը չափազանց զգացմունքային է արձագանքել հայտնի պուերտոռիկացի երաժիշտ Ռիկի Մարտինի հետ հարցազրույցին, հայտնում է «ՌԻԱ Նովոստի»-ն: Տեսանյութը հրապարակվել է WGNNews-ի YouTube ալիքում:

Արտիստի հետ հարցազրույցից անմիջապես հետո նկարահանված կադրերում լրագրողը, համոզված, որ ուղիղ եթերն ավարտվել է, կիսվում է կուռքի հետ զրույցի զգացումներով եւ նույնիսկ սկսում է ցատկոտել: Նա չի էլ կասկածում, որ իրեն հրաշալի լսում են թե՛ երգիչը, թե՛ ստուդիայի վարողները:

Ռիկի Մարտինը կուլտային թրեք Livin’ la Vida Loca-ի հեղինակն է, որը նրան դարձրել է աշխարհում ամենահայտնի այլալեզու երգիչներից մեկը: