Եվրամիությունը պետք է միասնություն դրսեւորի մերձավորարեւելյան հակամարտության կարգավորման հարցում: Այս մասին հունվարի 22-ին ասել է Գերմանիայի Եվրոպայի գործերով պետական նախարար Միխաել Ռոտը, որը Բրյուսել է ժամանել մասնակցելու ԵՄ Խորհրդի նիստին, փոխանցում է ՏԱՍՍ-ը:
«Մենք պետք է բանակցություններ վարենք Պաղեստին պետության ղեկավար Մահմուդ Աբասի հետ, մերձավորարեւելյան գործընթացը ծանր պայմանների մեջ է: Կենսականորեն կարեւոր է, որ Եվրամիության ձայնը ներդաշնակ հնչի: Մենք պետք է միահամուռ հանդես գանք եւ թույլ չտանք մեզ բաժանել»,- նշել է նա:
Ըստ որում՝ Ռոտը նշել է, որ մերձավորարեւելյան գործընթացում Եվրոպան պետք է հետեւի 2 պետությունների խաղաղ գոյակցության սկզբունքին, եւ բոլոր կողմերին կոչ է անում հրաժարվել բռնությունից եւ սադրանքներից:
