ՀՀ նախագահ Սերժ Սարգսյանը, Արցախի նախագահ Բակո Սահակյանը եւ բարձրաստիճան այլ պաշտոնյաներ այսօր` հունվարի 28-ին, Հայոց բանակի կազմավորված 26-րդ տարեդարձի առթիվ, այցելեցին «Եռաբլուր» զինվորական պանթեոն՝ հարգանքի տուրք մատուցել իրենց կյանքը Հայրենիքի անկախության համար զոհաբերած հայորդիների հիշատակին (ֆոտոռեպորտաժ):
NEWS.am-ի թղթակիցը հաղորդում է, որ նախագահ Սերժ Սարգսյանը հետմահու պարգեւատրեց զոհված զինծառայողներին, ապա ելույթով հանդես եկավ` շնորհավորելով բանակի օրվա առթիվ:
Այնուհետեւ Սերժ Սարգսյանը, Բակո Սահակյանը, պաշտոնյաները ծաղիկներ դրեցին զոհվածներին նվիրված հուշարձանի մոտ եւ հարգեցին նրանց հիշատակը:
Արարողությանը ներկա են եղել նաեւ այդ ընտանիքներին կցված կուրսանտները, ինչպես նաեւ ՊՆ Վազգեն Սարգսյանի անվան ռազմական համալսարանի, Արմենակ Խանփերյանցի անվան ռազմաավիացիոն համալսարանի կուրսանտներ եւ ՊՆ Մոնթե Մելքոնյանի անվան ռազմամարզական վարժարանի սաներ:
