Հունվարի 28-ին Արա լեռը բարձրանալիս տուժած 38-ամյա Էդգար Նավասարդյանը ծանր վիճակում գտնվում է «Արմենիա» բժշկական կենտրոնի վերակենդանացման բաժանմունքում: Ինչպես NEWS.am-ի թղթակցի հետ զրույցում հայտնեց կենտրոնի փոխտնօրեն Արսեն Գրիգորյանը, հիվանդը տարբեր ծանր վնասվածքներ է ստացել՝ կոնքի սալջարդ եւ ստորին վերջույթների (ազդոսկրերի) բազմաթիվ կոտրվածքներ: Նրան վիահատել են եւ կմախքային ձգում տեղադրել, սակայն Էդգարին օրթոպեդիկ կոնստրուկցիաների կիրառմամբ եւս մեկ բարդ վիրահատություն է սպասվում:
Ինչպես NEWS.am-ի թղթակցի հետ զրույցում հայտնեց Հայաստանի պրոֆեսիոնալ գիդերի միության փոխնախագահ Յաշա Սոլոմոնյանը, երկրորդ տուժածը՝ 22-ամյա Հրաչյա Հարությունյանը, նույնպես տեղափոխվել էր «Արմենիա» բժշկական կենտրոն, սակայն այսօր դուրս է գրվել, եւ այժմ որոշվում է, թե որ բժշկական կենտրոնում է նա ստանալու հետագա բուժօգնությունը: Կոտրվել է Հրաչյայի ուսը:
Հիշեցնենք, որ հունվարի 28-ին Արա լեռը բարձրանալիս 18 հոգանոց խումբը ձնաբքի մեջ էր ընկել: Արշավախմբի անդամներից մեկը՝ Նաիրուհի Սիմոնյանը, մահացել է, 22-ամյա Հրաչյա Հարությունյանն ու 38-ամյա Էդգար Նավասարդյանը մի շարք վնասվածքներ են ստացել:
Ձնաբքի հետեւանքով մահացած կինը զբոսավար Նաիրուհի Սիմոնյանն է. ի՞նչ է տեղի ունեցել. մանրամասներ