News
Լրահոս
News
Ուրբաթ
Նոյեմբեր 16
Տեսնել լրահոսը

Հայաստանի զարգացման եւ ներդրումների կորպորացիան արձագանքել է NEWS.am-ում հրապարակված Արարատի մարզի բնակիչ ֆերմեր Ալիկ Պետրոսյանի՝ ՀՀ վարչապետին ուղղված բաց նամակին, որտեղ վերջինս անդրադարձել էր փոքր ու միջին բիզնեսին աջակցելու խնդրին:

Հայաստանի Զարգացման եւ Ներդրումների Կորպորացիայի պարզաբանման մեջ ասվում է.

«Արարատի մարզի Բերքանուշ գյուղի բնակիչ Ալիկ Պետրոսյանը բաց նամակ է հղել ՀՀ վարչապետ Կարեն Կարապետյանին ՀՀ-ում վարկային ռեսուրսների անհասանելիության վերաբերյալ՝ նշելով, որ վարկ ստանալու ակնկալիքով դիմել է Հայաստանի Զարգացման եւ Ներդրումների Կորպորացիա, սակայն մերժում է ստացել:

Չնայած այն հանգամանքին, որ Հայաստանի Զարգացման եւ Ներդրումների Կորպորացիան տրամադրում է ձեռնարկատիրական վարկեր, իսկ Ալիկ Պետրոսյանը չի հանդիսանում գրանցված ձեռնարկատեր, այնուամենայնիվ Հայաստանի Զարգացման եւ Ներդրումների Կորպորացիան ընդառաջել եւ իրականացրել է ուսումնասիրություն՝ հաշվի առնելով, որ Ա. Պետրոսյանը պատրաստակամություն է հայտնել ֆինանսավորման հնարավորության դեպքում գրանցվել որպես անհատ ձեռնարկատեր:

Ուսումնասիրության արդյունքում պարզվել է, որ Ալիկ Պետրոսյանն ունի ստանձնած վարկային պարտավորություններ ֆինանսական համակարգի նկատմամբ, որոնք սպասարկվում են ջերմոցից ստացված, ինչպես նաեւ անձնական այլ եկամուտների հաշվին: Նշված եկամուտները բավարարում են միայն առկա վարկային պարտավորությունները սպասարկելուն եւ չեն տալիս հնարավորություն սպասարկել լրացուցիչ վարկային պարտավորություններ:

Ինչպես նշել է նամակի հեղինակը՝ ցանկացած ոլորտում եւ ուսումնասիրվող ծրագրերում առկա է որոշակի ռիսկի գործոն: Իրականացվող ֆինանսական ուսումնասիրության նպատակն է գնահատել ռիսկի մակարդակը՝ արդյունքում ֆինանսավորելով ռիսկի կառավարելի մակարդակ ունեցող ծրագրեր: Հակառակ պարագայում, ֆինանսավորումը կհանդիսանա լրացուցիչ վարկային բեռ տնտեսվարողի համար եւ հնարավորություն չունենալով սպասարկել ստանձնած պարտավորությունները՝ կվատթարանա վերջինիս ֆինանսական վիճակը, վարկային պատմությունը, միեւնույն ժամանակ պատճառ կհանդիսանա անվճարունակության եւ սնանկացման:

Այսուհանդերձ, Հայաստանի Զարգացման եւ Ներդրումների Կորպորացիան Ալիկ Պետրոսյանի հետ ձեռք է բերել պայմանավորվածություն՝ վերջինիս կողմից որպես գրանցված ձեռնարկատեր սեփական միջոցների հաշվին ջերմոցը վերապրոֆիլավորելուց եւ մեկնարկելուց հետո դիտարկել ջերմոցային տնտեսության հետագա զարգացման ֆինանսավարման հնարավորությունը»:

Իսկ մեր երկրում կա՞ մի ոլորտ, որը ռիսկային չէ փոքր բիզնեսի համար. անհատ ֆերմերի բաց նամակը՝ ՀՀ վարչապետին

Տպել
Կարդացեք նաև
Ամբողջը
Ասիական զարգացման բանկը Հայաստանին 50 միլիոն դոլար վարկ կտրամադրի
ԱԶԲ–ն ծրագրի առաջին հատվածի շրջանակներում 40 միլիոն դոլար է տրամադրել նախորդ տարի...
ՊԵԿ-ում «Արփի գազ» եւ «Գլաձոր Մ.Գ.Հ.» ընկերությունների նկատմամբ հարուցվել են քրգործեր
Ընկերությունները 2015-2018 թվականների ընթացքում պետական բյուջե չեն վճարել առանձնապես խոշոր չափի գումարներ...
Դոլարի փոխարժեքը նվազել է. էժանացել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
«Մեր թիմը մնացել է ամուր». «Բիզնես Արմենիա» հիմնադրամի գործադիր տնօրենը հրաժարականի դիմում է ներկայացրել
Իմ աշխատանքի ամենահաճելի մասը Ձեր աչքերի «կրակն» ու «կայծը» տեսնելն էր՝ ցանկացած նոր լուծված խնդրի, դժվարության հաղթահարման եւ նոր ներդրումների որոշման կայացման առիթով...
«Ռոյալ Գլաս Գրուպ» ՍՊԸ-ն արտոնություն ստացավ. Նա 20 հա այգի է հիմնելու, հյութերի արտադրամասն է ընդալյնելու
Ինտենսիվ այգիները համալրվելու են ժամանակակից համակարգերով, ներառյալ հակակարկտային համակարգով...
Հայկ Մարությանին հետաքրքրում է տրանսպորտի եւ աղբահանության ոլորտներում ճապոնական քաղաքների փորձը
Հույս է հայտնել, որ հայաստանցիները եւս կսկսեն ավելի հաճախ գործարար եւ զբոսաշրջային այցեր կատարել Ճապոնիա
Partner news