Երեւանում, այսօր՝ փետրվարի 1-ին, դանակահարության դեպք է տեղի ունեցել. ժամը 08։30-ի սահմաններում Երեւանի 1-03 շտապօգնության հերթապահ խումբը Խանջյան փողոցի վրա գտնվող «Թեքեյան» մշակութային կենտրոնի մոտից Երեւանի հիվանդանոցներից մեկն է տեղափոխել մի քաղաքացու։

Shamshyan.com-ի  փոխանցմամբ, պարզվել է, որ այդ քաղաքացին Երեւանի բնակիչ՝ 43-ամյա Գ. Հ.-ն է, ով ուժային կառույցներից մեկի աշխատակից է, կոչումով փոխգնդապետ։ Աղբյուրի տեղեկություններով՝ վերջինս թոքի հատվածում ստացել է սուր կտրող-ծակող առարկայից ստացած հարված: Դանակահարությունը տեղի է ունեցել «Թեքեյան» կենտրոնի 1-ին հարկում։

Ոստիկանները պարզել են կասկածյալի ինքնությունը, ով Աբովյան քաղաքի բնակիչ, 39-ամյա Վարդան Գ.-ն է։ Նրան հայտնաբերել եւ բերման են ենթարկել Ոստիկանության Կենտրոնական բաժին։

Կասկածյալը քննիչի որոշմամբ ձերբակալվել է։