Ազատամարտիկ, «Արժեքների հեղափոխության» գործով ազատազրկված Վարդան Վարդանյանի պայմանական վաղաժամկետ ազատման հարցը նորից կքննվի Էրեբունի եւ Նուբարաշեն վարչական շրջանների առաջին ատյանի դատարանում։ Այս մասին NEWS.am-ի հետ զրույցում Վարդան Վարդանյանի պաշտպան Ինեսսա Պետրոսյանը` նշելով, որ Վերաքննիչ դատարանը՝ դատավոր Ռուբիկ Մխիթարյանի նախագահությամբ, մասնակի է բավարարել բողոքը:
«Գործը նորից ուղարկվել է առաջին ատյանի դատարան քննության եւ հուսով եմ կբավարարվի, քանի որ մեր ներկայացրած պահանջը հիմնավորված է»,- ասաց պաշտպանը:
Ինեսսա Պետրոսյանը նշեց, որ Վարդան Վարդանյանը մինչեւ հիմա երբեք չի դիմել ներման խնդրանքով եւ չի էլ պատրաստվում:
Հիշեցնենք որ 2013 թ-ի նոյեմբերի 5-ին «Անոնիմուսների» երթի մասնակից 14 քաղաքացիներից 12-ը դատապարտել էին 1,6 -7 տարվա ազատազրկման։ Նրանցից 4-ն արդեն ազատության մեջ են, որոնցից մեկը՝ Հայկ Հարությունյանը պայմանական վաղաժամկետ է ազատ արձակվել։ Այս գործով տուժողներ ճանաչված ոստիկանները ցուցմունք էին տվել, որ նրանց աչքերն էին մրմռացել:
Նշենք, որ Վարդան Վարդանյանը իր պատիժը կրել է 4 տարի 3 ամիս, նրան մնացել է 9 ամիս:
