Սիրիայի հյուսիսում թուրքական զորքերի ավիահարվածների ու կրակոցների հետեւանքով քաղաքացիական բնակչության շրջանում զոհվել է 150 մարդ։ Այս մասին հայտարարել է Աֆրինի շրջանի առողջապահության դեպարտամենտի ղեկավար Անժելա Ռիշոն, փոխանցում է ՏԱՍՍ-ը։
Նրա խոսքով՝ եւս 298 մարդ 1l վիրավորվել է, նրանց բժշկական օգնություն է ցուցաբերվել հիվանդանոցում։
Դեպարտամենտի ղեկավարը նշել է, որ «Ժողովրդավարական Սիրիայի ուժերը» փորձում են պաշտպանել քաղաքացիական բնակչությանը, բայց նրանք ունակ չեն ստիպել թուրքական ուժերին դադարեցնել հրթիռակոծությունները։
Անկարան հունվարի 20-ից Աֆրինում քրդական կազմավորումների դեմ իրականացնում է «Ձիթենու ճյուղ» օպերացիան։ Դամասկոսը վճռականորեն քննադատել է Թուրքիայի գործողությունները Աֆրինում՝ անվանելով այն իր տարածքի անբաժանելի մաս։
Թուրքական «Ձիթենու ճյուղը» Սիրիայում. քրդերը խոստանում են հակահարված տալ (ֆոտո)