Իսրայելական ավիացիան Սիրիայում ռմբակոծել է շաբաթ գիշերը Իսրայելի օդային տարածք անօդաչու թռչող սարք ուղարկած «իրանական կառավարման համակարգերը», հայտնել է բանակի մամուլի ծառայության ղեկավարներից Ջոնաթան Կոնրիկուսը, փոխանցում է «ՌԻԱ Նովոստի»-ն:
Ավելի վաղ հաղորդվել էր, որ անօդաչու սարքը ռազմական ինքնաթիռի կողմից խոցվել էր Գոլանի բարձրունքներում:
«Իսրայելի պաշտպանության բանակը հարձակում է գործել Սիրիայում իրանական կառավարման համակարգերի վրա, որոնք անօդաչու սարք են ուղարկել Իսրայելի օդային տարածք»,-իր թվիթերյան էջում նշել է Կոնրիկուսը:
Գեներալ-լեյտենանտը հավելել է, որ իրադարձությունները շարունակում են զարգանալ: «Իրանը պատասխանատվություն է կրում իսրայելական ինքնիշխանության աղաղակող խախտման համար»,-նշել է նա:
Breaking news: IDF intercepted an Iranian UAV launched from Syria over Israeli airspace, and is now engaging Iranian targets in Syria in response. More details to follow.
— Jonathan Conricus (@LTCJonathan) 10 февраля 2018 г.