Շվեդիայի կանցլերը պահանջում է փոխել ոստիկանության հսկողության տակ գտնվող գործերի մասին օրենքը: NEWS.am-ի հետ զրույցում Շվեդիայի Օրեբրո քաղաքի ոստիկանական բաժանմունքում մահացած հայ տուրիստ Դավիթ Բարսեղյանի իրավահաջորդի ներկայացուցիչ Մարկ Սաֆարյանը նշեց, որ վերջին տարիներին ոստիկանության հսկողության տակ գտնվող անձանց մահվան հետ կապված բոլոր գործերը կարճվել են, եւ այժմ պահանջ կա օրենքները վերանայելու, քանի որ այդ գործերը հետաքննվում են հենց ոստիկանության կողմից, ինչն էլ հանգեցնում է նրան, որ գործերը կարճվեն:
«Սա հակասահմանադրական է, քանի որ ոստիկանությունը հետքննություն է իրականացնում իր դեմ: Այդ ամենը բերում է անարդար նախաքննության, գործերն էլ կարճվում են»,-ասաց նա:
Օրեբրո քաղաքի ոստիկանական բաժանմունքում մահացած հայ տուրիստ Դավիթ Բարսեղյանի գործով Մարկ Սաֆարյանը կդիմի ՄԻԵԴ: