Հայաստանի հետ սահմանակից Կարսի Դիգորի (Տեկոր-խմբ) շրջանից հայ-թուրքական սահմանը խախտելու մեղադրանքով 4 քաղաքացու դեմ քրեական գործ է հարուցվել։

Թուրքական Hurriyet-ի փոխանցմամբ՝ Կարսի Դիգորի շրջանում 3 քաղաքացի իրենց ձիերը փնտրելու նպատակով մտել են սահմանային արգելված գոտի, որի ընթացքում ձերբակալվել են ժանդարմերիայի կողմից։ Նրանցից մեկն էլ ավելի հեռուն էր գնացել եւ ձերբակալվել էր Հայաստանի սահմանապահների կողմից։

Թուրքական կողմը դիմել էր հայկական կողմին եւ բանակցությունների արդյունքում Թուրքիայի քաղաքացին վերադարձվել է թուրքական կողմին։

Հիշյալ 4 քաղաքացիների նկատմամբ պետական սահմանը խախտելու մեղադրանքով քրեական գործեր են հարուցվել։