ԱՄՆ-ն երբեք Սիրիայում Քրդական ինքնապաշտպանական ուժերին (YPG) ծանր սպառազինություն չի մատակարարել: Այս մասին հայտարարել է ԱՄՆ պետքարտուղար Ռեքս Թիլերսոնը, հաղորդում է Reuters-ը:
Նա նաեւ նշել է, որ ԱՄՆ-ն իրանական միջուկային համաձայնագրի շուրջ «արդյունավետ հանդիպումներ» է ունեցել եվրոպացիների հետ, սակայն այդ հարցով աշխատանքը դեռեւս ավարտված չէ:
YPG-ն սիրիական ժողովրդավարական ուժերի գլխավոր բաղկացուցիչ մասն է, որին աջակցում է ԱՄՆ-ն: Քուրդ զինյալներին հաջողվել է Սիրիայում ԻՊ-ից հսկայակայն տարածքներ ազատագրել:
Անկարան փորձում է կանխել Սիրիայում քրդական ինքնավարության առաջացումը, դրա համար ներխուժել է Աֆրին, որպեսզի իր հարավային սահմաններից հեռացնի քրդական զինյաներին: