«Սեւան» քրեակատարողական հիմնարկի ղեկավար կազմը թմրանյութ է հայտնաբերել «Սեւան» քրեակատարողական հիմնարկում։
Shamshyan.com-ի փոխանցմամբ, բանտի ղեկավարությունը օպերատիվ տվյալներն իրացնելով՝ փետրվարի 5-ին նշված «Սեւան» քրեակատարողական հիմնարկի բնակելի գոտի մտնելուց առաջ բուժսպասարկման բաժնի 3-րդ կարգի մասնագետ, Արդարադատության ավագ սերժանտի Կ. Գեւորգյանին հրավիրել են հիմնարկի վարչական մասնաշենքի համապատասխան բաժնի աշխատասենյակ եւ ենթարկել անձնական խուզարկության։
Նրան պատկանող «Պառլամենտ» գրառումով ծխախոտի տուփի միջից փայլաթիթեղի հետեւի մասում թաքցված՝ հայտնաբերվել է 1 հատ «Վիվասել ՄՏՍ» բաժանորդային քարտ։
Նրա ներքնազգեստի ռեզինե գոտկատեղի միջից հայտնաբերվել է նաեւ 189 գրամ կշռով 345 հատ դեղին գույնի պարկուճ դեղահաբ։
«Սեւան» քրեակատարողական հիմնարկում փաստի առթիվ նյութեր են նախապատրաստվել, իսկ ավագ սերժանտ Կ. Գեւորգյանը բաց է թողնվել։ Նշանակվել է դատաքիմիական փորձաքննություն։