ԱՄՆ մեղադրանքները ՌԴ 13 քաղաքացիների դեմ, որոնք իբրեւ թե միջամտել են այս երկրում անցկացված ընտրություններին, անհեթեթ են եւ արտացոլում են ժամանակակից ամերիկյան քաղաքական իրողությունը: Այս մասին հայտարարել է ՌԴ ԱԳՆ մամուլի քարտուղար Մարիա Զախարովան, հաղորդում է «ՌԻԱ Նովոստին»:

«Պարզվում է նրանք 13-ն են եղել, ըստ ԱՄՆ Արդարադատության նախարարության: 13 մարդ միջամտել է ԱՄՆ նախագահական ընտրություններին: 13-ն ընդդեմ հատուկ ծառայությունների միլիարդավոր բյուջե՞ի, ընդդեմ հետախուզության, ընդդեմ նորագույն միջոցների եւ տեխնոլոգիաների՞...Աբսու՞րդ: Այո», — Facebook-ում գրել է Զախարովան:

ԱՄՆ հատուկ դատախազ Մյուլերը ՌԴ 13 քաղաքացու եւ 3 ընկերության մեղադրանք է ներկայացրել 2016 թվականի նախագահական ընտրություններին միջամտելու համար:

ԱՄՆ ԱՆ-ն Ռուսաստանի 13 քաղաքացիների ու 3 ընկերության մեղադրել է ընտրություններին միջամտելու մեջ