Միացյալ Նահանգները մարտի 21-ին կանցկացնի երկրի պատմության մեջ նավթի ու գազի շերտերի ամենախոշոր վաճառքը կիրականացնի, հաղորդում է «Կոմերսանտը»՝ վկայակոչելով ԱՄՆ ՆԳՆ-ին:
Վաճառքի կհանվեն Թեխաս, Լուիզիանա, Միսիսիպի, Ալաբամա եւ Ֆլորիդա նահանգներում մոտ 31,2 մլն հեկտար մակերեսով տարածքներում գազի ու նավթի հետախուզման եւ մշակման իրավունքները: Խոսքը Մեքսիկական ծոցի դաշնային բոլոր հասանելի տարածքների մասին է:
ԱՄՆ ՆԳ նախարարությունում հավելել են, որ սա թվով երկրորդ վաճառքն է 2017-2022 թվականների ծրագրի շրջանակներում: Նոր վաճառքը տեղի կունենա Նոր Օռլեանում, այնտեղ վաճառքի կհանվեն ընդհանուր առմամբ 14,8 հազար հատվածներ:
Հիշեցնենք, որ ժամանակին ԱՄՆ նախագահ Բարաք Օբաման արգելել էր նավթ ու գազ արդյունահանելու նպատակով հորատման աշխատանքները Ատլանտյան օվկիանոսի ափերի մի շարք շրջաններում եւ Ալյասկայի ափերին՝ հիմնավորելով դա բնապահպանական խնդիրներով:
