Երեւանի ավագանու «Ելք» խմբակցության անդամ Անահիտ Բախշյանը կարծում է, որ «Երկիր ծիրանի»- խմբակցության՝ կոյուղաջրի հետ կապված հայտնի ակցիան քաղաքապետարանում վատ ավանդույթի սկիզբ կդնի, եթե քաղաքային իշխանությունը դեմքով չշրջվի դեպի ժողովուրդը: NEWS.am-ի հետ զրույցում Անահիտ Բախշյանը շեշտեց, որ
«Խնդիրները պետք է լուծվեն մինչ նմանատիպ ագրեսիվ ակցիաներով այն քաղաքապետարան տեղափոխելը»,-NEWS.am-ի հետ զրույցում նշեց Բախշյանը:
«Իշխանության ներկայացուցիչները ասում են, թե մինչ ակցիան սկսել էին շտկել Նուբարաշենում խնդիրը, բայց չեմ հավատում դրան, դա եղավ միայն ակցիայից հետո: Իրադարձությունը ավագանու նիստում անշուշտ արագացրեց գործընթացը: Ես շնորհավորում եմ «Երկիր ծիրանի»-ին, որ իր այդ ագրեսիվ ակցիայով հասավ իր նպատակին, բայց իշխանությանն ուզում եմ ասել` դուք վտանգում եք պետականաշինությունը: Այս նախադեպը եթե մտնի քաղաքականություն, մեր պետական կառույցների համար լուրջ վտանգ եմ տեսնում եւ պարզպես խայտառակում է ձեր իշխանությանը»,-ասաց Բախշյանը:
Մեր զրուցակիցը նկատեց, որ հանրությունը խրախուսել է այդ ակցիան եւ դա կարող է ծնել իշխանության համար էլ ավելի անպատվաբեր դրություն:
«Իշխանությունը պիտի սրանից դաս առնի, որ կարող են էսպիսի վտանգավոր ակցիաներ լինեն, քանի որ հասարակությունը խրախուսեց եւ իշխանությունն էլ այդ ճանապարհով գնաց: Մինչեւ չբերվեց կոյուղաջրի տարան, քաղաքապետի քթին չառավ, սայլը տեղից չշարժվեց: Սա նախադեպ կդառնա եւ ցանկացած խնդիր այդպես ստիպված կլինեն լուծել: «Երկիր ծիրանի»-ն ինչ անում է, թող անի, ուղղակի իշխանությանն ասում եմ` ձեր աչքերը, ականջները բացեք, լսեք ձեր ժողովրդին, որ այս նախադեպը չլինի ավելի վտանգավոր գործողություն»,-ըդգծեց «Ելք»-ի ներկայացուցիչը:
Անահիտ Բախշյանի խոսքով` Տարոն Մարգարյանն ու իր ենթականները պետք է հետեություն անեին այն պահից, որ Զարուհի Փոստանջյանը հանդիպել էր Նուբարաշենի բնակիչների հետ եւ բարձրաձայնել խնդրի մասին:
Ինչ վերաբերում է ան քննադատություններին, թե Անահիտ Բախշյանը հավասարության նշան էր դրել ՀՀԿ եւ «Երկիր Ծիրանի» խմբակցությունների անդմաների միջեւ եւ ասել` երկուսն էլ իրար արժեն, նա ասաց, թե նկատի է ունեցել երկու կողմի ագրեսիան, իսկ ՀՀԿ-ականների բռուցքներն ուղղակի հարված էր երկրի հեղինակությանը: