Բաղդադում դատարանը ԻՊ կողմնակից թուրք այրի կնոջը կախաղանի միջոցով մահապատժի է դատապարտել: Independent-ը գրում է, որ ԻՊ կողմնակից եւս 11 կանայք ցմահ ազատազրկման են դատապարտվել, որոնցից 10-ը Թուրքիայի քաղաքացիներ են, մեկը` Ադրբեջանի: Նրանք մեղավոր են ճանաչվել ահաբեկչական հարձակումների մասնակցության մեջ:
Կանանց փաստաբանները վստահեցրել են, որ նրանց ստիպել են միանալ ԻՊ-ին եւ նրանք կապ չեն ունեցել բռնության հետ: Բոլոր կանայք, որոնք 20-ից 50 տարեկան են, իրաքցի զինվորների կողմից Մոսուլայի եւ Թալ Աֆարայի ազատագրումից հետո կալանավորվել են:
