ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի փետրվարի 21-ին կայացած նիստում հավանության է արժանացել Ջրային օրենսգրքում լրացումներ եւ փոփոխություններ կատարելու օրինագիծը։
Օրինագծի էությունն կայանում է նրանում, որ «կեղտաջրեր» արտահայտությունը օրենքում հստակ սահմանում կունենա։ Այսպես, կեղտաջրեր կհամարվեն այն ջրերը, որոնք աղտոտվել են արդյունաբերական կամ կենցաղային օգտագործման արդյունքում, ինչպես նաեւ բնակավայրերից հոսող անձրեւաջրերը, ցեխաջրերը կամ դրենաժային ջրերը, որոնք չեն համապատասխանում թույլատրելի պահանջներին եւ կարող են հանգեցնել շրջակա միջավայրի աղտոտմանը:
