Փետրվարի 12-ին զինվորական հոսպիտալում մահացել է ՀՀ ԶՈւ ժամկետային զինծառայող Ստեփան Ստեփանյանը: Այս մասին NEWS.am-ին հայտնեց ՀՀ ՊՆ մամուլի խոսնակ Արծրուն Հովհաննիսյանը:
«Զինծառայողը մահացել է հոսպիտալում: Նա եղել է արձակուրդում, ինչից հետո վերադարձել է Իջևանի զորամաս, վատացել է, իսկ մահն արձանագրվել է հոսպիտալում»,-ասաց Հովհաննիսյանը:
Արծրուն Հովհաննիսյանը հավելեց, որ մահվան նախնական վարկած չի կարող նշել, նշանակված է դատաբժշկական փորձաքննություն։
Հարուցվել է քրեական գործ, հանգամանքները պարզվում են։