Ազգային ժողովի ՀՀԿ եւ ՀՅԴ խմբակցությունները վաղը՝ փետրվարի 23-ին, նիստ կհրավիրեն եւ նախագահի պաշտոնում կառաջադրեն Մեծ Բրիտանիայում Հայաստանի դեսպան Արմեն Սարգսյանի թեկնածությունը։
Նախնական տեղեկություններով, ՀՀ նախագահի ընտրությունը մարտի 2–ին է սպասվում։ Նա միակ թեկնածուն է լինելու։ Առաջին փուլով ընտրվելու համար անհրաժեշտ է ԱԺ պատգամավորների թվի 3/4-ի ձայները (79 ձայն)։ ՀՀԿ–ն եւ ՀՅԴ–ն միասին ունեն 65 ձայն։
«Ծառուկյան» խմբակցությունում որոշել են միաձայն կողմ քվեարկել Արմեն Սարգսյանի թեկնածությանը, սակայն դեռ դրա մասին չեն հայտարարում։ Դեմ կքվեարկի միայն «Ելք» դաշինքը: