Շվեդիայի ծրագրավորողները մշակում են տեխնոլոգիա, որը մարդկանց թույլ կտա «շփվել» իրենց մահացած հարազատների եւ ծանոթների հետ, հաղորդում է Dagen-ը:
«Սկզբում մենք ստեղծել ենք խոսքային ծրագիր, որը հուղարկավորության կազմակերպման հետ կապված պատասխանում է մեր հաճախորդների հարցերին,- Dagen-ին պատմել է Ստոկհոլմի «Ֆենիքս» թաղման բյուրոյի ցանցի ղեկավար Շարլոտա Ռունիսը,- Դա մեզ դրդեց այն գաղափարին, որը մենք անվանում ենք «մարդու էլեկտրոնային կրկնօրինակ՝ ռոբոտի, որը կխոսի հանգուցյալի ձայնի նման ձայնով»:
Առաջին աշխատանքային նմուշների համար թաղման գործակալությունը ծրագրավորողների հետ համատեող փնտրում է 10 կամավորների, որոնց ձայները կձայանգրվեն եւ կմշակվեն ծրագրի կողմից, որպեսզի մահից հետո նորից հնչեն: Նշվում է, որ «մարդու էլեկտրոնային կրկնօրինակը» կարող է պարզ կենցաղային զրույցներ անցկացնել: Ընդ որում Ռունիսը պարզաբանում է, որ ռոբոտը չի կարող ինչ-որ նոր բանի մասին հարցին պատասխանել, քանի որ ծրագրում նախատեսված չէ տվյալների թարմացումը:
Շվեդիայի ծրագրավորողները ծրագրերը չեն սահմանափակվում միայն խոսքային ծրագրի ստեղծմամբ, որը կարող է նմանակել հանգուցյալի հետ զրույցը: Նրանց հաջորդ քայլը կլինի այնպիսի ռոբոտի ստեղծումը, որը տեսողականորեն կկրկնօրինակի մարդուն: