Մահապատժի դատապարտված Էրիկ Սքոթ Բրանչը մի քանի անգամ «մարդասպաններ, մարդասպաններ» է բղավել, երբ նրան տանում էին էկզեկուցիայի վայրը, փոխանցում է AP-ն:
Դատավճիռն իրականացվել է նախօրեին երեկոյան, 47-ամյա դատապարտյալը, դիմելով ուղղիչ հաստատության աշխատակիցներին, հայտարարել է, որ մահացու ներարկումը պետք է կատարեին Ֆլորիդայի նահանգապետը եւ նահանգի դատախազը, այլ ոչ թե իրենք: «Թող նրանք այստեղ գան, եւ դա անեն: Ես գիտեմ՝ դուք լավ մարդիկ եք, եւ սա այն չէ, ինչը պետք է դուք անեք»,- ասել է նա:
Բրանչը մեղավոր է ճանաչվել 1993 թվականին ուսանողուհի Սյուզան Մորիսին բռնաբարելու եւ սպանելու համար:
