Ֆրանսիայի մշակույթի նախարարությունը հաստատել է, որ Փարիզի շրջանի լցակայաններից մեկում հայտնաբերված կտավը ֆրանսիացի իմպերսիոնիստ Էդգար Դեգայի կտավն է, որը Մարսելի թանգարանից գողացվել էր ավելի քան 8 տարի առաջ, հաղորդում է «ՌԻԱ Նովոստին»։ 

1877թ. ստեղծված «Երգչախումբ» կտավը Մարսելի Կանտինի թանգարանից գողացել էին 2009թ. դեկտեմբերին։ Կտավը պատկանում է Փարիզի դ՚Օրսե թանգարանին եւ հարավ էր ուղարկվել ցուցահանդեսի համար։ 

Այս տարվա փետրվարին նկարը գտել էին Սեն եւ Մարնի դեպարտամենտի լցակայաններից մեկում։ Թանկարժեք կտավը դրված է եղել ավտոբուսի բեռնախցիկում։ Նախարարության փոխանցմամբ, կտավը եղել է պայուսակներից մեկում։ Ուղեւորներից որեւէ մեկը չի հայտնել, թե դա իր պայուսակն է։