Չինաստանի իշխանությունները 2018 թվականին նախատեսում են երկրի տարածքում իրակականացնել մի քանի խոշոր ներդրումային ծրագրեր, որոնց ընդհանուր արժեքը կգերազանցի 10 տրիլիոն յուանը (շուրջ 1.6 տրիլիոն դոլարը)։ Այս մասին հաղորդել է China Daily թերթը։
Թերթի տվյալներով՝ «նախագծերի մեծամասնությունը կիրականացվի այնպիսի ոլորտներում,ինչպիսիք են՝ տեղեկատվական տեխնոլոգիաները, տրանսպորտային եւ էնէերգետիկ ենթակառուցվածքները, ինչպես նաեւ բարձրտեխնոլոգիական սարքավորումները»։
Այսպես, Շանդուն նահանգում նախատեսվում է կառուցել արագընթաց երկաթուղային ճյուղեր, ինչպես նաեւ նոր օդանավակայան։ Այս նահանգում ներդրումների ընդհանուր ծավալը կկազմի 4 տրիլիոն յուան (շուրջ 630 մլրդ դոլար)։
Համաձայն կառավարության ծրագրի, 2022 թվականին արդյունաբերության ճյուղի զարգացման արդյունքում այն պետք է կազմի ազգային ՀՆԱ–ի աճի 30 տոկոսը։