Փետրվարի 24-ին, ժամը 12:51-ին ահազանգ է ստացվել, որ Երեւան քաղաքի Այգեստանի 8-րդ փողոցի տներից մեկի մոտակայքում գտնվող կիսաքանդ շինության տանիքում նկատվել է նռնակ. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման, օպերատիվ խմբերը եւ ՀՀ ԱԻՆ ՔՊ վարչության ուժերի հավաքական կենտրոնի ինժեներական ջոկատի հրամանատարը:
Փրկարարները տան բակում գտնվող կիսաքանդ շինության տանիքում հայտնաբերել են F-1 տեսակի ուսումնական նռնակ, որը հանձնել են ոստիկանության աշխատակիցներին:
