Եվրոպական միությունը հույս է հայտնել, որ Երուսաղեմի՝ Տիրոջ գերեզմանի տաճարի փակմանը հանգեցրած խնդիրը շուտով կկարգավորվի: Այս մասին հայտարարել է Եվրամիության դիվանագիտության ղեկավար Ֆեդերիկա Մոգերինին հաղորդում է «ՌԻԱ Նովոստի»-ն: Հիշեցնենք, որ տաճարն այժմ չի ընդունում զբոսաշրջիկների եւ ուխտագնացների՝ որպես քաղաքային իշխանությունների կողմից եկեղեցական անշարժ գույքից հարկ գանձելու մասին որոշման դեմ բողոքի նշան:
«Ես ուզում եմ հայտարարություն անել որպես Իսրայելի որոշ ծրագրված կամ հայտարարված որոշումների դեմ բողոքի նշան Երուսաղեմի՝ Տիրոջ գերեզմանի տաճարի փակման կապակցությամբ: Մենք հույս ունենք, որ լուծումը կարող է արագ գտնվել: Երուսաղեմը երեք մոնոթեիստական կրոնների սուրբ քաղաք է, նրա հատուկ կարգավիճակն ու բնույթը պետք է պահպանվի եւ պաշտպանվի բոլորի կողմից»,- ասել է Մոգերինին:
