Nissan-ը DeNA ընկերության հետ թողարկում է Easy Ride անօդաչու տաքսիների սեփական ծառայությունը: Իյոկոգամայի ճանապարհներին փորձարկումները կսկսվեն մարտի 5-ից: Սկզբնական շրջանում դրանք սահմանափակ ռեժիմով կանցնեն, հաղորդում է HighTech-ը:
Միայն Մինատո Միրայի ուղեւորները կկարողանան օգտվել ծառայությունից, իսկ Nissan Leaf էլեկտրական մեքենա կկարողանան պատվիրել միայն հատուկ հավելվածի միջոցով:
Անօդաչուները կկարողանան երթեւեկել միայն մանրակրկիտ ստուգված 4.5 կմ երթուղով՝ Nissan-ի գլխամասային գրասենյակի եւ Yokohama World Porters առեևտրի կենտրոնի միջեւ:
Յուրաքանչյուր ուղեւորություն կհսկեն մեքենաների վերահսկման կենտրոնից, չնախատեսված իրավիճակների համար էլեկտրական մեքենաների ղեկի մոտ կլինեն վարորդներ: Յուրաքանչյուր մեքենա կունենա պլանշետ, որտեղ մոտ 500 տեսարժան վայրերի եւ մոտակայքում հետաքրքիր իրադարձությունների մասին տեղեկատվություն կներկայացվի: Բացի այդ, ուղեւորներին մոտ 40 ռեստորաններում եւ բուտիկներում զեղչեր եւ կտրոններ են առաջարկվելու:
