Ազգային ժողովը Հայաստանի ՍԴ անդամ է ընտրել Հրայր Թովմասյանին:
Հայաստանի խորհրդարանի հաշվիչ հանձնաժողովի նախագահ Գագիկ Մելիքյանը հայտարարեց, որ Հրայր Թովմասյանն ընտրվել է 64 կողմ, 27 դեմ ձայներով:
Նշենք, որ ՍԴ անդամը իր պաշտոնն ստանձնում է ԱԺ նիստում տրված երդմամբ.
«Ստանձնելով ՍԴ անդամի պաշտոնը, Հայաստանի ժողովրդի առջեւ երդվում եմ, ապահովել Սահմանադրության գերակայությունը, լինել անաչառ, հավատարիմ մնալ ՍԴ անդամի երդմանը»:
Այնուհետեւ Հրայր Թովմասյանը շնորհակալություն հայտնեց վստահության համար, իսկ իրեն տրված 27 դեմ քվեի մասին ասաց. «27 դեմ ձայները ես դիտարկում եմ ձայներ, որով մարդիկ չէին ուզում, որ ես ԱԺ-ից գնամ: Ես ձեզ կկարոտեմ»:
Հիշեցնենք, որ ՍԴ անդամի պաշտոնը թափուր էր մնացել Կիմ Բալայանի՝ պաշտոնը թողնելուց հետո: Հրայր Թովմասյանի թեկնածությունն առաջարկել է ԱԺ նախագահ Արա Բաբլոյանը: Հրայր Թովմասյանը ՍԴ անդամի պաշտոնի համար միակ թեկնածուն էր:
Ըստ մամուլի տեղեկությունների, հետագայում Հրայր Թովմասյանը կզբաղեցնի ՍԴ նախագահի պաշտոնը՝ փոխարինելով Գագիկ Հարությունյանին: Իսկ Գագիկ Հարությունյանն ընտրվել է Բարձարգույն դատական խորհրդի համար առաջին պաշտոնում:
Հրայր Թովմասյանը սասունցի Պետրոսի թոռն է. նա ինքն է իրեն ստեղծել. Շարմազանով