ԱՄՆ-ում Porsche, Maserati եւ Bentley մակնիշների թանկարժեք սպորտային մեքենաներ տեղափոխող բեռնատարը վթարի է ենթարկվել՝ բախվելով կամրջին, հաղորդում է Motor-ը։
Ոստիկանության զեկույցում նշված է, որ բեռնատարը մեքենաները տեղափոխում էր Ֆլորիդայից Դելավեր։ Բեռնատարի վարորդը մտածել է, թե կարող է անցնել կամրջի տակով, բայց սխալվել է։
Բախման արդյունքում տուժել է հատուկ կցասայլը՝ հագեցած եղանակային կայանով, ինչպես նաեւ վնասվել են տեղափոխվող մեքենաները։ Միջադեպի պատճառով 9 ժամով մայրուղու վրա արգելափակվել է երթեւեկությունը։ Կամուրջը չի տուժել։ Վարորդին մեքենան անուշադիր վարելու մեղադրանք է առաջադրվել։ Վնասի չափը չի նշվում։