LinkedIn-ը օգտատերերին նամակով հայտնել է, որ այս տարվա մայիսի 8-ից սկսելու է գործել օգտագործման նոր համաձայնությունը, հաղորդում է ՌԲԿ-ն: Մասնավորապես, օգտատերերը, ըստ ընկերության տվյալների, այժմ կարող են ավելի լավ հասկանալ, թե ինչ տվյալներ ունի LinkedIn-ն իրենց մասին եւ ինչպես կարող են նրանք պահանջել դադարեցնել այդ տեղեկատվության օգտագործումը:
Հայտնվել են նաեւ նոր կարգավորումներ, որոնց շնորհիվ օգտատերերը պետք է ավելի շատ վերահսկողություն ստանան գովազդի նկատմամբ, որը նրանք տեսնում են: Բացի այդ, ընկերությունը խոստանում է օգտատերերին պատմել, ինչ տեղեկատվություն է տրամադրում գովազդատուներին:
LinkedIn-ը նշում է, որ օգտագործման նոր համաձայնությունը հստակ ներկայացնում է LinkedIn-ի մտադրությունը՝ հավաքել եւ մշակել օգատերերի անձնական տվյալները ՝ Տվյալների պաշտպանության ընդհանուր կանոնակարգի համաձայն (General Data Protection Regulation, GDPR), որը այս տարվա մայիսի 25-ից ԵՄ-ում ուժի մեջ է մտնում: