News
Լրահոս
News
Երկուշաբթի
Սեպտեմբեր 24
Տեսնել լրահոսը

ՀՀ գլխավոր դատախազության պետական շահերի պաշտպանության վարչության կողմից ՀՀ հողօգտագործողներին գյուղատնտեսական աշխատանքների համար մատչելի գներով պարարտանյութերի ձեռքբերման նպատակով պետական աջակցությանծրագրի իրականացման գործընթացի ուսումնասիրությամբ պարզվել է, որ  Լոռու մարզպետարանի կողմից նախկին Միխայելովկա համայնքի (ներկայումս մաս է կազմում Մեծավան խոշորացված համայնքի) ղեկավարին հանձնվել է պարարտանյութ, որի դիմաց վերջինս 8.274.000 ՀՀ դրամի վճարում չի կատարել:

ՀՀ գլխավոր դատախազությունից NEWS.am-ին հայտնում են, որ Լոռու մարզպետարանը նշված գումարի բռնագանձման պահանջով հայցադիմում է ներկայացրել ընդդեմ համայնքի ղեկավարի, որը ՀՀ Լոռու մարզի ընդհանուր իրավասության դատարանի կողմից բավարարվել է: Դատական ակտը ուժի մեջ է մտել 2016թ. հունիսի 27-ին, սակայն մարզպետարանի պատասխանատու պաշտոնատար անձանց կողմից միջոցներ չեն ձեռնարկվել օրենքով սահմանված ժամկետներում եւ կարգով կատարողական թերթ ստանալու եւ ՀՀ ԱՆ դատական ակտերի հարկադիր կատարման ծառայություն ներկայացնելու ուղղությամբ՝ բաց թողնելով դատական ակտի կատարման հնարավորությունը:

Ավելին, հետագայում նշված անձանց կողմից հիշյալ պարտքը ներկայացվել եւ ՀՀ կառավարության 07.12.2017թ. թիվ 1585-Ն որոշմամբ ամբողջությամբ զիջվել է որպես համայնքի պարտավորություն:

Փաստորեն, մարզպետարանի պաշտոնատար անձանց վարքագծի՝ ծառայության նկատմամբ անբարեխիղճ կամ անփույթ վերաբերմունքի հետեւանքով պետությանը պատճառվել է 8.274.000 ՀՀ դրամի վնաս:

Նկատի ունենալով, որ արձանագրված խախտումներն առերեւույթ պարունակում են հանցագործության հատկանիշներ՝ ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 315-րդ հոդվածի 1-ին մասով նախատեսված հանցագործության հատկանիշներով հարուցվել է քրեական գործ, որի  նախաքննության կատարումը հանձնարարվել է ՀՀ քննչական կոմիտեին:

Տպել
Կարդացեք նաև
Ամբողջը
Ոստիկանները հայտնաբերել են «Առինջ մոլ»-ում ավազակային հարձակում կատարողին
Հայտնաբերվել է հափշտակված գումարի մի մասը…
Եգիպտոսի դատարանը հաստատել է 13 ոստիկանի սպանության համար 20 դատապարտյալների մահապատիժները
2013 թվականի օգոստոսի 14-ին՝ Մուրսիի տապալումից մեկ ամիս անց, անվտանգության ուժերը ուժի կիրառմամբ ցրել էին բողոքի ցույցերը, ինչի...
37 ավտովթար 4 օրում. զոհվել է մեկ, վիրավորվել՝ 53 մարդ
Ըստ ոստիկանության օպերատիվ հաղորդագրությունների ամփոփագրերի` սեպտեմբերի 20-ից 24-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 183 դեպք...
Նկարչուհի Մարինա Աբրամովիչի գլխին սեփական նկարով հարվածել են
«Հանկարծակի նա կտրուկ հարվածեց նկարով, նկարը պատռվեց եւ ես հայտնվեցի շրջանակի մեջ...
«Արթիկ» ՔԿՀ–ում կալանավորի կոշիկի մեջ թմրանյութ է հայտնաբերվել
Դիտաշտարակի ծառայողը նկատել է կասկածելի մեքենա...
«Հայրենիք-սփյուռք կենտրոն» ՊՈԱԿ-ի տնօրենը փոխհատուցելու է պատճառած վնասից 48.5 մլն դրամը
Քրեական գործի շրջանակներում համատեղ կատարված միջոցառումների արդյունքում՝ ՀՀ սփյուռքի նախարարության «Հայրենիք-սփյուռք կենտրոն»...
Ամենաշատ
Partner news