News
Լրահոս
News
Երկուշաբթի
Դեկտեմբեր 10
Տեսնել լրահոսը

Եվրամիության առաջնորդները կքննարկեն Ռուսաստանի դերը ՌԴ Գլխավոր հետախուզության վարչության նախկին գնդապետ Սերգեյ Սկրիպալի թունավորման գործում Բրիտանիայի վարչապետ Թերեզա Մեյի հետ հաջորդ շաբաթ կայանալիք հանդիպման ժամանակ: Այս մասին հայտարարել է Եվրախորհրդի նախագահ Դոնալդ Տուսկը, փոխանցում է Reuters-ը:

Համերաշխություն հայտնելով Մեծ Բրիտանիայի հետ՝ Տուսկը նշել է, որ մինչ միջոցներ ձեռնարկելը նրանք կսպասեն Լոնդոնի քայլերին: Տուսկը Սկրիպալի թունավորումը «կոշտ հարձակում» է որակել, որի հետեւում մեծ հավանականությամբ Մոսկվան է կանգնած։

Նշենք, որ Բրիտանիան Ռուսաստանին մեղադրում է Սկրիպալի եւ նրա դստեր թունավորման մեջ։

Մարտի 12-ին Մեծ Բրիտանիայի վարչապետ Թերեզա Մեյը հայտարարել էր, որ Սկրիպալի թունավորմանը «մեծ հավանականությամբ» ներգրավված է Ռուսաստանը: Նա ՌԴ-ին ժամանակ էր տվել մինչեւ մարտի 13-ը միջադեպի առնչությամբ մանրամասն պարզաբանումներ տրամադրելու համար, հակառակ դեպքում՝ Մոսկվայի դեմ լուրջ քայլերի ձեռնարկում է նախատեսվում:

Իսկ արդեն այսօր՝ մարտի 14–ին Բրիտանիայի վարչապետը հայտարարել է 23 ռուսաստանցի դիվանագետի արտաքսելու եւ  Ռուսաստանի հետ երկկողմ շփումները կասեցնելու մասին։

Ավելի վաղ Սերգեյ Լավրովը հայտարարել էր, որ ռուսական կողմը չի պատասխանի «Սկրիպալի գործի» վերաբերյալ Լոնդոնի վերջնագրին, մինչեւ Մեծ Բրիտանիան չկատարի քիմիական զենքի արգելման մասին հռչակագրի շրջանակում ստանձնած պարտավորությունները եւ չապահովի նյութին հասանելիությունը, որով թունավորվել են ռուս նախկին սպա Սերգեյ Սկրիպալը եւ նրա դուստր Յուլյան:

Իսկ այսօր ՌԴ ԱԳՆ խոստացել է հայտարարությամբ հանդես գալ Բրիտանիայի վարչապետի հայտարարության շուրջ։

Հիշեցնենք, որ 66-ամյա նախկին լրտես Սկրիպալը եւ նրա դուստրը մարտի 4-ին նյարդապարալիտիկ գազի ազդեցության են ենթարկվել անգլիական Սոլսբերի քաղաքի առեւտրի կենտրոններից մեկում եւ անգիտակից վիճակում տեղափոխվել հիվանդանոց։ Նրանք գտնվում են հիվանդանոցում ծայրահեղ ծանր վիճակում:

Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին նրան ներում է շնորհվել երեք այլ ռուսների հետ: Ավելի ուշ նրանց փոխանակել են ԱՄՆ-ում ձերբակալված ռուս գործակալների հետ: Սկրիպալն ապաստան էր ստացել Մեծ Բրիտանիայում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Brexit-ի հարցով գործարքին հավանություն տալու խորհրդարանի մերժումը կարող է հանգեցնել երկրում կայունության կորուստի. Մեյ
Հույս ունեմ, որ մարդիկ հասկանում են, երբ ասում եմ, որ [Եվրամիության հետ] գործարքի ձախողման դեպքում մենք կհայտնվենք անհայտ ջրերում…
Եվրամիությունը Հայաստանին 40 մլն եվրո կտրամադրի հյուսիսային շրջանների զարգացման համար. Եմ դեսպան
«Եվրամիությունը մտադիր է աջակցել Հայաստանին մարզերի անհամաչափ զարգացումը վերացնելու համար», - ասաց նա....
Հայաստանն արեւելյան գործընկերության երկրների շրջանում ՀՆԱ-ում ՓՄՁ-ի մասնաբաժնով աութսայդերների թվում է. Սվիտալսկի
Երեք տարի առաջ ՓՄՁ-ն Հայաստանում համարվում էր սոցիալական խնդիրներ լուծելու, աղքատության եւ գործազրկության դեմ պայքարի գործիք....
Դեկտեմբերի 9-ին Հայաստանի քաղաքացիները կորոշեն իրենց երկրի ապագան. Սվիտալսկի
«Ես վստահ եմ, որ հայերը գիտակցում են, թե որքան վճռորոշ կլինի իրենց քվեարկությունը: Այն ամեն ինչ կորոշի»,- ընդգծեց դեսպանը....
Մեյը հնարավոր է համարել Brexit-ից հրաժարվելը
«Կա երեք տարբերակ: Առաջինը՝ համաձայնագրով լքել ԵՄ-ն, մյուս երկուսը՝ առանց համաձայնագրի դուրս գալ ԵՄ կազմից կամ հրաժարվել Brexit-ից», — ասել է Մեյը...
ԵՄ իշխանությունները Google-ից, Facebook-ից եւ Twitter-ից «ֆեյք լուրերի» դեմ պայքարի հաշվետվություններ են պահանջում
Առցանց ընկերությունները պետք է հաշվետվություններ ներկայացնեն հունվարից մինչեւ մայիս․․․
Partner news