Հայկական «ԱՆԴ» ընկերությունը հակակարտային ցանցերի համակարգ կտեղադրի խնձորի այգում։ Համապատասխան փոփոխությունը կատարվել է Կառավարության՝ 2017-ի սեպտեմբերի 14-ի որոշման մեջ՝ բավարարելով «ԱՆԴ» ԲԲԸ հայտը սարքավորումների ու դրանց բաղադրիչների, հումքի ու նյութերի ներմուծումը մաքսային տուրքից ազատելու մասին։ Որոշման նախագիծը ներկայացրել է Տնտեսական զարգացման ու ներդրումների նախարար Սուրեն Կարայանը։
Նրա խոսքով՝ այդ ժամանակ «ԱՆԴ» ընկերությունը ազատվել է 44 մլն դրամ արժողությամբ սարքավորումների ու հումքի ներմուծման մաքսատուրքից։ Հակակարկտային սարքավորման գինը 2․6 մլն դրամ է։ Հետեւաբար, ընկերությանը կազատեն 46․6 մլն դրամ ընդհանուր արժողությամբ սարքավորումների ներմուծման համար տուրքից։
Ընկերությունը Սյունիքի մարզում կառուցում է գործարան՝ խնձորի ու մեղրի քացախի արտադրության համար։